اطلس-  قامت ميرا زوجة مقدم البرامج اللبناني تمّام بليق بمهاجمة الفنّان والمذيع اللبناني عادل كرم بعد ان قام بمهاجمة زوجها وتهكمه عليه وعلى كنيتها في الحلقة الأخيرة من برنامج "هيدا حكي" الذي يعرض على قناة "MTV".

وكتبت ميرا عبر حسابها الخاص على موقع "فيسبوك":"عادل كرم انت دقيت الباب ورح تسمع الجواب اللي على مقاسك ومستواك الذي لا يرتقي حتى بحمام آل بليق. نقدك ما كان نقد إعلامي من أي جانب بل هو لا يعبر سوى عن سفه شخصك وإفلاسك من الأفكار في الكوميديا البناءة".

وأضافت ميرا: "الفكرة اني بعرف اني عمبعطيك أهمية اني عمبكتب عنك هون وانت ما بتستاهلا بس انك تنتقد برنامج #بلا_تشفير كونوا هيدا الشي اللي بيطعميك خبز و بيخليك تشتري الأمور الأخرى اللي ضربت راسك شي، وانك تمس بأسرة من أعرق وأشرف وأكثر أسر بيروت احتراماً شي مختلف كلياً".

بالاضافة ان ميرا شتمت كرم واتهمته بتعاطي الممنوعات: "لما بدك تقول بليق يا سخيف ويا هبيلة ويا بلا أخلاق بدك تكون مصحصح وواعي لتعرف تلفظ مخارج حروف عيلة بطمك فهم وثقافة وكرم يا ابن كرم... كرم بالتدني والغيرة والعقد النفسية والهبل والبياخة وقلة الفهم واهم شي كرم بالتعاطي ... بالأمور اللي ما بتفهم فيا! ارْحَم نَفسَك من الحِقْدِ فإنّه عَطَب، نارٌ وأنتَ الحَطَب!".

فيما توجهت ميرا الى زوجها بالقول: "رح تبقى أرقى إنسان وأكثر إعلامي إنساني وقاهر كل الذين تتقطر منهم مستويات خيالية من الإنحطاط فكن كالنخيل عن الأحقاد مرتفعا يؤذى برجم فيعطي خير أثمار!".

جاء هجوم زوجة مقدم البرامج اللبناني تمّام بليق بعد ان قامت الفنانة السورية تولين البكري بمهاجمة عادل كرم عبر صفحتها الخاص على موقع "فيسبوك" ايضاً.

ونشرت البكري عبر حسابها الخاص على موقع "فيسبوك" قائلة: "عادل كرم: كنت شوفك كبير وكنت أحترمك رغم كلشي حكي كنت اسمعو عنك وعن حياتك الشخصية المخربطة بما أنو أصحاب الوسط الفني الواحد مكشوف عنون الحجاب.. بس بمحل يمكن كنت تضحكني منك أما هلأ عم تضحكني عليك".

وأضافت: "معقول لهالدرجة صارت جعبتك الثقافية فاضية لتحكي فيها عن زميل الك بنفس المجال ومن نفس البلد وبمحطة جارة!!! لو كان هالنقد بناء وعام وبيفيد ليطور كلنا كنا منحترمك..لو كنت عم تنتقد بعض حلقات برنامج بلا تشفير كمان كنا يمكن قيدناك وقلنا هيدا حكي! أما أنك تحكي بهالحقد الكبير وتمس شخص محترم وكبير وماأذاك متل الاعلامي تمام بليق فهالشي مابيليق لافيك ولا بالمحطة اللي عم تشتغل فيها ولابيكبرك بالعكس.

وتابعت: "بيصير للموضوع أبعاد بشعة بحقك وتفسير واحد وواضح.#....حط حالك مطرح زميلك وتخيل يحكي عليك كلام بيمسك شخصيآ ان كان حقيقي أو فبركة شورح يكون موقفك!! ف بدي قول بس شي واحد أنو اللي،بيتو من زجاج مابيرمي بحجار وفهمك كافي".

وختمت حديثها قائلة: "وبحب قول للكبير تمام بليق....من يومك كبير وأسم عيلتك معروف بالرقي وأد ماكتر الحكي السلبي بحقك رح يكون درج لتدعس عليه وترتفع أكتر وأكتر".