اطلس- أكدت الفنانة المصرية نادية الجندي أنها تعتز بسنها الحقيقي ولا تخجل منه، وتعجبت من الساخرين من عمرها وخاصة أن تلك هي سنة الحياة.

نادية كتبت على حسابها عبر موقع “أنستجرام”: “بشكر كل جمهوري الحبيب على تهنئته لي في عيد ميلادي 24 مارس، وبشكر الناس على تعليقاتهم الحلوة التي أسعدتني على الفيس بوك وفى كل مكان والتليفونات اللي جتلى بشكركم جميعا وبشكر كمان الناس اللي اتريقت على سنة الحياة وعلى كبر الفنان كأننا إحنا اللي بنكبر بس اتريقوا على سنة الحياة ورب الكون”.

الفنانة المصرية قالت إن هناك تلاعب بتاريخ ميلادها، ورغم أنها لم تكشف عن عام مولدها الحقيقي إلا أنها هاجمت الصحافة قائلة: “وبشكر كمان الناس اللي بتتلاعب كل شوية في تاريخ ميلادي على المواقع والصفحات والنت مرة 1948 ومرة 1945 ومرة 1940 والنكتة بقى والكذب والافتراء كاتبين مؤخرا 1938 على أساس ده حيأثر على حب الناس ليا ناس مريضة وعموما في النهاية الفنان الحقيقي بقيمة الأعمال اللي قدمها والبصمة اللي سبها مش سنه ولا عمره كام … بشكركم على حبكم ليا”.